PC Girls' School tan zángnadawmna phût

ZNP ṭhalai chuan thuchhuah siamin, India President Ram Nath Kovind-a lo zinin PC Girls' School a tlawh tura ruahman tawh chu sût leh a nih avangin PC Girls' School hnena thupa chawi tur leh zangnadawmna pe turin Mizoram sorkar an phût.

India President 14-na Ram Nath Kovind hian nimin tlai khan Aizawl a rawn thleng a, Aizawla a chàm chhunga a tlawh tur zingah vawiin chawhmaah PC Girls' School tlawh tura tih ni mah se, Thawhlehni zan khan ṭhulh a ni.

ZNP ṭhalai chuan, India President-in a tlawh dawn avangin PC Girls' School chu nasa takin an inbuatsaih tih sawiin, "Zaipawl leh hnam làm leh lam chi hrang hrangte zirin, ni eng emaw zat hah leh rim em ema an inbuatsaih tawh hnuah ṭhulh leh a ni a; zirtirtu leh naupangte an hrilhhaiin an khawngaihthlak hle a ni," an ti.

USA President Dwight D Eisenhower-a'n Nevada state-a sikul pakhat tlawh tura programme duan sa chu security thil vanga ṭhulh thut a nih avangin State department-in sikul hnenah thupha a chawi bakah zangnadawmna a pe nia sawiin ZNP ṭhalai chuan, "PC Girls School hnena thupha chawi tur leh an tihhrilhhai man zangnadawmna pe turin Mizoram sorkar kan phût a ni," an ti. Mizoram sorkar chu PC Girls School tlawh an ṭhulhtir chhan sawifiah turin an phût bawk.