KHAWTHLIR

Art Exhibition
Amoii & JVa Duet Exhibition of Art chu nimin khan IPR minister Lal Thanzara'n Art Novelty Gallery, Chaltlang Venglaiah a hawng. IPR Minister chuan, art chu khawvela hnam ziaráng hrang hrang pho chhuaktu leh hûi khawmthu a nih thu a sawi a, "Art tihhmasawnna tura IPR department leh artist-te hmalakna a lawmawm hle a ni," a ti. Exhibition hian December 6, 2017 thleng a awh ang.

Press tour
NEDP hnuaia Mizoram sorkarin MJA member-te tana Press Study Tour a buatsaiha batch 4-na (batch hnuhnung ber)-te chuan nimin khan Delhi leh Himachal Pradesh tlawh turin Mizoram an chhuahsan a, IPR directorate kawt aṭangin Planning principal adviser Saihlira'n a vai liam. Tour-ah hian Mizoram district tin leh Aizawl aṭangin MJA member 10 an kal a, IPRO pahnihin an hruai a ni.

Pushpak Jubilee
Project Pushpak chuan an kum 50 tlin (golden jubilee) chu vawiin tlai dar 4:00 hian Lammualah an lawm dawn a, chief minister Lal Thanhawla'n a hmanpui ang. Lammuala cultural extravaganza neih turah hian thil hmuhnawm leh ngaihnawm chi hrang hrang an entir dawn a, mipuite chhim turin an sawm.

GST zirho
Confederation of Indian Industries (CII) chuan nimin khan Trade & Commerce conference hall-ah Goods and Services Tax zirhona, Awareness Session an buatsaih a, Aizawla sumdawng ṭhahnem tak an tel. Zirhonaah hian chartered accountant Shubham Khaitan-in GST chungchanga thil pawimawh hrang hrang a sawifiah a; State Tax commissioner LH Rosanga pawhin thu a sawi a ni.

Free eye clinic
Tlabung Progressive Society chuan nimin khan Tlabung damdawi-inah an khuaa Mizo Upa Pawl unit hrang hranga member-te pualin a thlâwna mit enfiahna hun an buatsaih a, Tlabunga MUP unit pathum - Tlabung, Zodin leh Chawnpui-a MUP member mi 10-te mit enfiah a ni.