Lunglei-ah Street Campaign

Lunglei khawpuia hmun ṭhenkhat - Christian Hospital bul, Kikàwn Bazar, Bazar Veng, AOC leh Three Gate, Sethlunahte nimin khan electoral roll ennawn mek, Special Summary Revision pualin Street Campaign buatsaih a ni. Campaign-ah hian electoral roll chungchanga mipui hriat turte an puangzar a; kum 18 tling tharte tan December 8, 2022 thleng inziah luhna hun hawn a nih thu te, October 1, 2023 thlenga kum 18 tling turte tan electoral roll-a inziah luh dil lâwk theih a nih thute an tarlang. Electoral roll-a thun hi mahni awmna khua/venga booth level officer kaltlangin dil theih a ni a, Voter Helpline application hmangin dil theih a ni bawk.