Hriselna kaihhnawih apps tlangzarh

World Bank hnuaia kalpui, Mizoram Health Systems Strengthening Project (MHSSP) kaltlanga siam Clinical Knowledge & Skills Improvement (CKSI) android application siam thar chu nimin khan Health & Family Welfare principal director Dr T Lalhmangaihi'n a tlangzarh.

Tarlan danin, CKSI Application hi Google Playstore-ah download theih niin, MHSSP Clinical Vignettes tia dah a ni a; IOS leh web version-a hman theih tura duan mek a ni.

District thar pathum - Saitual, Khawzawl leh Hnahthialahte MHSSP kaltlangin chief medical officer pisa tur sak mek a ni a, damdawi-inte'n kawng hrang hranga hma an sawn theih nan Internal Performance Agreement (IPA) hmangin sum an pek chhuah bakah, damdawi-in, CMO building thar leh nursing institute-te sak ṭhatna turin hmalakna a kalpui mek a ni bawk.