Dawrpui School centenary lawm

Dawrpui School chuan nimin khan an sikulah kum 100 an tlinna, centenary an a, bialtu MLA Robert Romawia Royte, minister of state-in hmanpuiin, centenary hriatrengna lungphun a hawng.

Robert Romawia Royte chuan, Dawrpui School dintu te, thawktu hluite leh thawk mekte fakawm a tih thu sawiin, "Dawrpui School hi zirna-in hlu leh pawimawh a nih bakah, páwl hrang hrangte'n inkhawmpui nan leh hnam pum huap rorelna pawimawha an hman ṭhin a ni a, Dawrpui veng tan mai ni lo, ram pum huap tana hmun hlu a ni," a ti.

Minister hian Dawrpui School-a primary, middle leh higher section tan computer pakhat ṭheuh a pe a; Dawrpui School-ah NIELIT centre din tum a nih thu a sawi bawk.

Centenary lawmnaah hian khualzahawm Dr H Lalthlangliana, School Education director-in Centenary Souvenir a tlangzarh a; kum 100 tlin lawm nan tlaiah an ruai an ṭheh a ni.

Dawrpui School-ah hian primary section-ah zirtirtu pariat leh zirlai 53, middle section-ah zirtirtu 10 leh zirlai 74 leh, higher section-ah zirtirtu 12, non-teaching staff pathum leh zirlai 263 an awm mek a ni.