Mizorama thar chhuah hralh chungchang MZU-ah sawiho

Sorkar laipuia Agri-cultural and Processed Food Products Export Development Authority chuan nimin khan Mizoram University Multipurpose Hall-ah 'Workshop cum Buyer-Seller Meet for Export of Potential Agri Products from Mizoram' an buatsaih.

Workshop hi Commerce & Industries minister Dr R Lalthangliana leh Agriculture minister C Lalrinsanga ten an hmanpui a; Mizorama kutkawih eizawnna buaipuitu mi eng emaw zat an tel a, Mizoram páwn aṭangin company/corporation hrang hrang aiawhte an tel bawk.