MTP-in Special Assembly an hmang

Mara Thyutlia Py (MTP) chuan nimin khan Siaha Council Vaih Multipurpose Hall-ah Special Assembly an hmang a, minister of state Dr K Beichhua, Siaha bialtu MLA-in a hmanpui.

Inkhawmpuiah hian thupui chu 'Chipho, reih pabohsa (hnam, ṭawng humhalh)' tih a ni a, inkhawm hi MTP president PP Zalena'n a kaihruai a, kumin chhunga MTP member thite sûnna hun hman a ni.

Dr K Beichhua chuan, MTP constitution leh motto tihhlawhtlin nan MTP member-te chu zirna ngai pawimawh turin a chah a; ruih theih thil laka fihlim tura MTP member-te chahin, "Ruihloin kan ram nasa takin a rún mek a, thâ thla loa kan do reng a ngai. Ruihhlo donaah sorkar kan ṭawiawm tlat a, sorkar thâ kan tihchak a ngai a ni," a ti.

MTP Special Assembly hi vawiinah chhunzawm a ni dawn a, kum 2022-2025 chhunga hruaitu tur thlan a ni ang.