Thuràwn dawngsawng turin kan inpeih - Lalsawta

Congress party chuan nimin khan Congress Bhawan-ah political session an hmang a, MPCC president Lal­sawta'n thu sawiin, ram siamṭhatna kawngah thuràwn eng pawh dawngsawng turin an inpeih thu a sawi.

Lalsawta chuan, Congress party-in sorkar­na siam tuma hma an lâk danah mithiamte thuràwn a ṭangkai thu a sawi a, "Tum thuhmun neih chuan nasa takin kawngro a su dawn. Ram siamṭhatna kawngah thuràwn eng pawh dawng­­sawng turin Cong­ress party kan inpeih reng a, lawm takin kan dawng­sawng zel ang," a ti.

Inkhawmah hian Mizoram University-a Department of Econo­mics head of department Prof. Lalhriatpuii'n 'Mizoram thingtlang retheihna: Kan dinhmun leh hmalak dan tur - Multi-Dimensional Poverty Index aṭanga thlirna' tih thupui a sawi a ni.