Economic Census Survey result pawm

Chief secretary Dr Renu Sharma hoa nimina State Level Coordination Committee (SLCC) on Approval of Updated Provisional Results of the 7th Economic Census ṭhukhawm chuan kum 2019 aṭanga ram puma Economic Census neih mek atana Mizoram State Economic Census Survey Provisional Results an pawm.

Report-a tarlan danin, Mizoram chu India ram puma 6th Economic Census (2013)-ah 30-na a ni a, 7th Economic Census provisional result-ah hian 27-na a ni. 7th Economic Census provisional result-ah hian Aizawl, Champhai, Kolasib, Lawngtlai, Lunglei, Mamit, Saiha leh Serchhip district-ah economic establishment 74,426 a awm a, thawktu 21,436 an awm.

Economic Census-ah hian crop production, public administration, defence & compulsory social security service-te telh a ni lo.

7th Economic Census hi ram pumah kum 2019 khan kalpui ṭan a ni a, Mizoram Economic Survey result lailawk pawh October 21, 2021-a SLCC meeting-ah pharh a ni. Lunglei leh Serchhip district survey report-ah dik lo a awm avangin survey tih ṭhat leh a ni a, siamṭhat a nih hnuah nimina SLCC ṭhukhawm chuan a pawm ta a ni.

Provisional Results for 7th Economic Census hi Ministry of Statistics & Programme Implementation-in a pawm chuan 7th Economic Census of India-ah chhuah tel a ni ang.