Ram leh hnam humhalh kawnga Hlawhchhamah Mizoram sorkar puh

Peoples' Conference party chuan nimin khan political training an nei a; thu sawitu PC president Vanlalruata chuan, Mizoram sorkar chu ram leh hnam humhalh kawnga hlawhchhamah a puh.

Vanlalruata chuan, "Mizoram sorkar hi ram leh hnam humhalh kawngah a hlawhchham. Assam leh Tripura aṭangin ramri-ah min nék reng a, Mizoram sorkarin a nawr lêt ngam lo a, a pawi em em. Kan chhehvelah a hnam anga nêkna tâwkin, Tripura, Assam leh Manipur-a kan unaute mangang au thâwm kan tâwk reng a ni," a ti.

Myanmar-a Mizote'n harsatna nasa tak an tâwk a, sahimna zawnga Mizorama tlan lut pawh Mizoram sorkarin a hum ngam lo nia sawiin Vanlalruata chuan, "Tun hnaiah Bangladesh-a kan mite tharumin an bei a, kan mi leh sate'n buaina an tâwk hi kan pawmzam thei lo. Hemi avanga Mizorama lo tlan luh tumte ramria dan beh an nih avangin Mizoram sorkar hi kan dem," a ti a; Bangladesh aṭanga Mizorama luh tumte an luh thuai theih nan leh chhawmdawlna ṭha tak an dawn theih nan hma la turin Mizoram sorkar a ngen a ni.