Covid-19 vei enkawl lai mi 15 an awm

November 24, Ningani khan Mizoramah Covid-19 vei mi pali hmuh chhuah a ni a, nimin khan hripui vei enkawl lai mi pathum an chhuak. Nimin tlai khan positive enkawl lai mi 15 an awm a, Aizawl leh Lunglei district-a mite an ni.

IDSP aṭanga thu dawn danin, November 24-a Covid-19 vei hmuh chhuah chu Aizawl district-a mi pathum leh Lunglei district-a mi pakhat an ni a; swab sample 85 endik niin, positivity rate 4.71% a ni.

Mizoramah swab sample 19,91,251 endik tawh niin, Covid-19 vei 2,38,950 hmuh chhuah a ni tawh a, a pumpuia positivity rate 12% a ni. Nimin tlai dar 3 thlengin mi 2,38,209 (99.69%) chhuahtir an ni tawh a, mi 726 (0.30%) thi tawhin, enkawl mek mi 15 (0.01%) an awm.

Nimin tlai dinhmun angin, Mizorama district pahnihah chiah Covid-19 positive enkawl lai an awm a, district dang zawngah positive an awm lo. Hripui vei enkawl lai awmnate chu - Aizawl district-ah mi 11 leh Lunglei district-ah mi pali an ni.