UPC (NEI) inkhawmpui lian a ṭiak

United Pentecostal Church (NEI) General Conference vawi 54-na, Zemabawk Vengpui biak-ina November 24, 2022 zana ṭan chu nizan khan a ṭiak. UPC (NEI) general superintendent atan Rev. R Lalrinsanga thlan a ni.

Inkhawmpuiah hian November 25, 2022 department pathum - General Missions, General Sunday School leh General LAD-te'n hmun hrang ṭheuhah ro an rél a; November 26, Inrinni khan Zemabawk Vengpui biak-inah rorel a nih bakah, hruaitu thlan a ni. Nimin khan chawhma inkhawmah General Superintendent-in pastor atan mi pasarih a nemnghet.

Kum 2023-24 chhunga UPC (NEI) general supe-rintendent atan Rev. R Lal-rinsanga, general secretary atan Rev. Zohmingthanzama leh general treasurer atan Rev. Lalmalsawma Sailo te thlan an ni.

UPC (NEI)-ah hian district 12 leh mission field pahnih a awm a; kohhran chhungkua 24,210 leh member 1,14,140 (mipa 56,009 leh hmeichhia 58,131) an awm. Tualchhung kohhran 890, preaching point 180 leh rawngbawlna licence nei mi 1,090 an awm mek bawk.