Indian Constitution Day hman a ni

November 26, Inrinni khan Mizoram hmun hrang hrangah National Constitution Day (Samvidhan Diwas) hman a ni a; Indian Constitution-a Preamble sawi rual a ni.

Constitution Day hi Aizawlah chuan Raj Bhavan-ah hman a ni a, Governor Hari Babu Kambhampati kaihhruaiin Indian Constitution-a Preamble an sawi rual.

Kum 2015 khan prime minister Narendra Modi chuan Dr BR Ambedkar lim a hawnnaah kum tin Constitution Day hman tur a nih thu a puang. Constitution Day-ah hian khua leh tuite chu India Danpui chungchanga inzirtirna nei ṭhin tur leh Danpui siamtute zahna lantir ṭhin tura beisei an ni.

Indian Constitution hi November 26, 1949 khan Constituent Assembly chuan a pawm a; kumina Constitution Day thupui chu 'India: The Mother of Democracy' tih a ni.