Pawl 6-in thisen unit 178 an pe

Pawl hrang hrangte'n November 26, Inrinni khan Mizoram hmun hrang hrangah thisen unit 178 an pe.

KṬP, Muallungthu Bialin ZMC blood bank tan unit 41 an pe a, petute mipa 30 leh hmeichhia 11 an ni. KṬP, Hunthar Veng Branch-in an branch din champha pualin Synod Hospital tan mipa 24-in thisen an pe a; KṬP, Ramhlun Venglai Branch-in an din champha vawi 32-na pualin Civil Hospital, Aizawl tan unit 20 an pe a, petute mipa 19 leh hmeichhia pakhat an ni.

Lunglei Civil Hospital tan Adventist Youth Federation, Lunglei North leh South-te'n thisen unit 45 pein, petute mipa 26 leh hmeichhia 19 an ni a; YMA, Zohnuai Branch member mipa 14 leh hmeichhia pakhatte'n unit 15 an pe bawk.KṬP, Champhai Zotlang North Branch-in Champhai District Hospital tan unit 33 an pe a, petute mipa 30 leh hmeichhia pathum niin, kuminah vawi hnih an pekna a ni.