Ruihhlo ngai pual Helpline betu an tam

Mizoram Drug Users Forum (MDUF), Mizoram Social Defence & Rehabilitation Board (MSDRB), Social Welfare & Tribal Affairs leh Social Welfare depart­ment-te ṭang­kawpin Covid-19 vanga inkhàrkhip laia ruihhlo ngaite tana helpline an siam chu betu eng emaw zat an awm.

Helpline viltute chuan Vanglaini palai zawhna chhángin, inkhàrkhip avangin ruihhlo ngaite'n harsatna an tâwk nasa tih an sawi a; ramri khâr ṭha viau mah se, ruihhlo lei tur leh lei thei an la awm reng niin an hria, chu'ng zingah chuan mi hausa leh sum lama buaina nei lêm lote leh man to zawka ruihhlo lei thei rengte an awm thu an sawi a ni.

Ruihhlo ngai zingah buaipui ngai tak takte pawh an awm thu sawiin Helpline viltute chuan, "Helpline kaltlang hian counselling leh an mamawhte kan ti zung zung thei a, a ṭangkai hle," an ti a; an in lamah leh Whatsapp leh phone hmanga counselling an neihpui eng emaw zat an awm thu an sawi.

Helpline hmangtu zinga buaithlak ber chu chiríte an nih ṭhin thu an sawi a, "Chiríte chu doctor hnenah kan thawn a, a ṭhen chu kan hruai ṭhin. In lama inenkawl turin damdawite pek an ni. Ruihhlo ngai helpline bia zingah mipa an tam a, hmeichhia pawh an bâng bik lo," an ti.

Helpline number-te chu - 9862377185, 9862732289, 8729982033, 7085629481, 9862120717, 8974772691, 7005576775 leh 9436140870-te a ni a; Helpline viltute chuan mamawhtute tan an inhawn reng thu an sawi.