India rama state leh UT zingah Mizoramin chhiah a hmu tlem ber

India rama state leh union territory (UT) hrang hrang zingah Mizoram state-in chhiah aṭangin sum a hmu tlem ber a, Sikkim chu a hmu tlem ber dawttu a ni.

Reserve Bank of India (RBI)-in tun hnaia handbook an tihchhuaha tarlan danin, tun hnai kum 10 chhungin state-in chhiah aṭanga a sum hmuh, state own tax revenue (SOTR)-ah Mizoram chu a hniam ber vek. Mizoram hian kum 2021-22 (budget estimate)-ah SOTR aṭangin cheng vbc. 720 a hmu a ni.

India ramah Maharashtra-in SOTR aṭangin sum a hmu tam ber ṭhin a, kum 2021-22 (BE)-a a hmuh zat chu cheng vbc. 2,43,490 a ni a, Mizoram hmuh nena a inthlauhna chu cheng vbc. 2,42,770 a tling.

India hmarchhak state zingah chuan, SOTR aṭang hian Assam-in sum a hmu tam ber ṭhin a, Meghalaya leh Tripura chu hmu tam ber dawttu an ni ṭhin.