Museum Week hman mek a ni

Art & Culture director R Hmingthanzuala chuan nimin khan Mizoram State Museum-ah Museum Week a hawng. Week hian Dec 2, 2022 thleng a awh dawn a, Week chhungin man chawi loin State Museum a tlawh theih a ni.

State Museum-ah hian thil chi hrang hrang 3,911 a awm a, chu'ng zinga 723 chu mipui hmuh theih turin showcase 100-ah pho lan a ni. Kumin January aṭanga November thlengin mi 8,563-in Museum an tlawh tawh a, chu'ng zinga mi 72 chu ram páwn mi (foreigner) leh VIP paruk an ni.

Museum Week hawnna inkhawmah hian Constitution Day pualin Preamble chhiar rual a ni bawk.