IBM Skillsbuild-School Chapter hawng

Aizawl district bawrhsap Dr Lalhriatzuali Ralte chuan nimin khan Mizo High School-ah a thlàwna ṭhalaite hnen­a eizawnna tling thiam­na bik zirtirna tur, IBM Skillsbuild-School Chapter a hawng.

Hawnna inkhawmah hian Aizawl Tech-School Competition lawmman sem a ni a; Best TechSchool of The Year chu St. Paul’s Higher Secondary School niin, l Best TechSchool of The Year (High School Section chu Ramhlun South High School thlan an ni.

Dr Lalhriatzuali Ralte chuan, IBM Skillsbuild-te'n India hmarchhak state zinga Mizoram an thlang hmasa ber chu lawmawm a tih thu sawiin, "Project-in a tum ber chu ṭhalaite hna thawk thei rual an nih huna anmahni tuina tak hmanga eizawnna nghet an neih theihna tura thiamna bik pek a ni," a ti a; Mizo ṭhalaite'n an hlâwkpui ngei a beisei thu a sawi.

IBM Skillsbuild-College Chapter hi October 31, 2022 khan college 10-ah kalpui ṭan a ni a, IBM Skillsbuild - School Chapter chu sikul 15-ah kalpui tum a ni.