Ni 3 chhung hripui vei hmuh a ni tawh lo

Mizoramah ni thum chhung Covid-19 vei hmuh a ni tawh lo a; nimin khan hripui vei enkawl lai mi pasarih chiah an awm.

IDSP aṭanga thu dawn danin, November 27 khan swab sample endik a awm loh avangin hripui vei hmuh chhuah a ni lo a; November 25 leh 26-ah pawh sample 108 endik ni mah se, Covid-19 positive hmuh a ni lo.

Nimin khan hripui vei dam tawh mi pahnih chhuahtir a ni a, heti hian Mizoramah hripui vei enkawl mek mi pasarih chauh an awm. Mi pasarihte chu Aizawl district-a mi paruk leh Lunglei district-a mi pakhat an ni.

Mizoramah swab sample 19,91,359 endik tawh niin, Covid-19 vei 2,38,950 hmuh chhuah a ni tawh a, a pumpuia positivity rate 12% a ni. Nimin tlai dar 3 thlengin mi 2,38,217 (99.69%) chhuahtir an ni tawh a, mi 726 (0.30%) an thi tawh. Active case percentage chu 0.01% a ni.