CM-in Mamita hnathawhte a enfiah

Chief minister Zoramthanga chuan nimin khan Mamit khawpuia hmasawnna hnathawh hrang hrang tlawhin a enfiah.

CM Zoramthanga hian cheng nuai 273.34 sénga sak Mamit Circuit House, Sports & Youth Services department kaltlanga PMJVK sum hmanga sak District Sports Complex, cheng vbc 12.50 sênga sak mek Mamit Multipurpose Indoor Stadium leh, Power Finance Corpo-ration CST kaltlanga hmuh vbc. 17.93 sénga sak mek kum 100 awmna tur District Hospital-te a tlawh a ni.

Zoramthanga chuan, Mamit khawpui a changtlun zelna tura hnathawhte chu fakawm a tih thu a sawi a, "Belhchian dâwl tak turin thawktute'n uluk taka an sak ka beisei. Hmasawnna ruhrel hrang hrangte hi khawtlang, a bik takin ṭhalaite hmasawnna tura din a nih angin, mipui pawhin a tìr aṭangin neitu rilru an put a ngai," a ti.

Chief Minister hi Sports & Youth Services minister Robert Romawia Royte leh Mamit bialtu MLA H Lalzirliana ten an ṭawiawm a ni.