ZPM Ṭhalaite'n Airport enfiah

ZPM Ṭhalai hruaitute chuan nimin khan Léngpui Airport thawm ṭhat mek a hmunah an enfiah a; thuchhuah siamin, "Hripui léng vanga chhuanchham tam tak an awm lai pawha thil dang ngaihtuah lék loa Mizoram sorkarin a ngaihven Airport sak hna hi ngun takin a thlithlai zel dawn," an ti.

ZPM ṭhalaite chuan, "Airport conveyer belt sakna atan cheng nuai 59 chuang leh conveyer belt extension sakna atan cheng nuai 44 chuang hman a ni hi sum hmanna uchuak leh tute emaw sum siamna mai a nih kan hlau a, uluk takin a tàwp thlengin kan thlithlai reng dawn a ni," an ti a; khualzinte tana harsatna siam khawpin nawrlirh (trolley) chu airport saknaa bungraw thiar velna atan hman a ni tih sawiin, "Trolley chhia a tam hle a, hei hi thil felhlel a nih avangin hma la thuai turin thuneitute kan ngen a ni," an ti bawk.