High Court-in PIL a hnâwl rih

Serchhip District Hospital sak thar tur chungchanga Gauhati High Court-a public interest litigation (PIL) thehluh chungchanga Gauhati High Court-in November 24, 2022-a order a chhuahah, PIL chu a tlang rih loh thu PIL thehluttute ukil chuan a tarlang.

PIL thehluttute aṭangin PIL hi High Court-in a pawm thu tarlan a lo ni tawh a; mahse, pawm a nih rih loh thu ukilte chuan Vanglaini an hrilh. PIL hnâwl a nih chhan chu, inremna thuthlung kalhin a tak taka hmalakna leh thil tihdanglam leh siamṭhat a la awm loh vang te, Bukpuiah damdawi-in tur sak ṭan a la nih loh vangte Bukpuia sakna tura tihna order hmuh tur a awm loh vang te, agreement siam hun pawh May 27, 2022 chauh a la nih vangte a nih thu dawn a ni.

PIL-ah erawh dik lo awm lo a, a ṭul dan azirin PIL thehlut leh turin High Court chuan PIL thehluttute a phalsak nia thu dawn a ni bawk.