Nungcha humhalh dan tur sawiho

Lunglei District Wildlife Crime Control Sub-Unit chu an chairman Rex Zarzoliana Vanchhawng, Lunglei SP hoin nimin khan a pisaah an ṭhukhawm a; ramsa leh a kaihhnawih thila dan bawhchhiatna awm theite vèn dan tur leh dan bawhchhiatna a thlena bawhzui dan turte an sawiho.

Rex Zarzoliana Vanchhawng chuan, Mizoramah nungchate an tlem tial tial avang leh mihring dam khawchhuahna atan an pawimawh avangin theihtawp chhuaha venhim an ṭul thu a sawi.

Ṭhutkhawmah hian, nungcha humhalh chungchang mipui zirtirna signboard hmun remchanga târ turin buatsaih mek a nih thu an sawi a; ramsa leh sava tihlum lo tura mipui ngenna media kaltlanga tihchhuah te, EFCC department leh Police-te'n a huhoa patrolling neih a, dan bawhchhia mante dan anga hrem tura hmalakte an rêl.

Meeting-ah hian Police, Customs leh EFCC department aiawhte bakah, Assam Rifles, BSF, Lunglei Honorary Wildlife Warden leh YMA Sub-Hqrs hruaitute an tel a ni.