CM hoin ruihhlo do sawiho a ni

Ruihhlo tawlh leh hmansual donaah awmze nei leh ngawrh zawka hmalak a nih theihna tura din Narcotics Coordination Centre (NCORD) hotute chu nimin khan chief minister Zoramthanga hoin CM conference hall-ah an ṭhukhawm a, ruihhlo do dan tur an ngaihtuah.

CM Zoramthanga chuan, Mizoram chu ram dang depa awm, ruihhlo tawlhna kawng a nih avangin thâ thlah loa ruihhlo do a ṭul thu leh, harsatna hrang hrang awm mah se, mawhphurtu department leh pawlte'n theihtawp chhuaha hma an lak a ṭul thu a sawi.

Chief secretary Dr Renu Sharma pawhin thu sawiin, NCORD hna tlangpui leh a pawimawhna a sawi a, "State chhunga ruihhlo dinhmun enfiah te, ruihhlo do leh ruihhlo ngaite enkawlna kawnga thawkte thawm ṭhatte a tel," a ti.

Ṭhutkhawmah hian DGP Devesh Chandra Srivastva-a'n kumin chhunga ruihhlo an man leh inzirtirna kawnga an hmalaknate a tarlang a; Narcotics Control Bureau, Mizoram Police, Excise & Narcotics department, Social Welfare & Tribal Affairs department leh Assam Rifles aiawhte’n an hmalaknate an sawifiah bawk.