Krismas pual thisen pek ṭan

Association for Voluntary Blood Donation (AVBD), Mizoram State AIDS COntrol Society (MSACS) leh blood bank-te chuan kumin December thla chhungin Krismas puala thisen pek an huaihawt dawn a; nimin khan Civil Hospital, Aizawl Blood Bank-ah medical superintendent Dr Zoram­thanga'n a hawng.

Krismas puala thisen pek hi ACH Blood Bank-ah a hawnna inkhawm tâwi neih a ni a, AVBD vice president Dr Zoramdinthara'n kaihruaiin, AVBD general secretary Lalrinkima'n report a pe.

AVBD general secretary Lalrinkima chuan, Krismas puala thisen pek chu Decem­ber thla chhung zawng kalpui a ni dawn tih sawiin, "Civil Hospital, Aizawl Synod Hospital leh ZMC blood bank-ahte thisen pek theih a ni a, thisen pe apiangte hnenah ei leh in tur tunhnai tak pek zel a ni ang," a ti a; district danga blood bank-ah pawh AVBD hruaitute leh blood bank officer-te'n thisen mamawh dan en chungin Krismas puala thisen pek an huaihawt dawn tih a sawi. (Phek 2-ah zawm a ni)