Aizawla G-20 meeting neih tur sawiho

March 2023-a Mizoramin G-20 meeting Aizawla a thlen turah, inbuatsaih dan tur ngaihtuahin nimin khan chief minister Zoramthanga kaihhruaiin CM Office conference hall-ah sorkar hotute an ṭhukhawm. Mizorama G-20 meeting tur hi Engagement Group Meeting a ni a, Start Up 20 tia hming vuah a ni.

Ṭhutkhawmah hian G-20 Secretariat leh Mizoram Home department indawrna te, a thlengtu state aṭanga beisei an neih leh hma lo lak tawhna hrang hrang te, hmalak ngaite bawhzui dan turte sawiho a ni a; sub-committee hrang hrang siam a ni bawk.

G-20 meeting nodal ministry chu Ministry of Commerce hnuaia Department for Promotion of Industry & Internal Trade a ni a; Mizorama G-20 meeting atan hian Core Team siam niin, Home department Secretary chu chairman a ni.