Krismas puala thisen pek kalpui ṭan a ni

Krismas puala thisen pêk hawngtu Dr Zoramthanga chuan, thisen pek lama Mizo ṭhalaite an ṭhangharh zel chu lawmawm a tih thu leh blood bank-a thawktute inpekna fakawm a tih thu a sawi a; thisen pek uar zel tur leh Krismas puala thisen pe ṭheuh turin Mizo ṭhalaite a sàwm bakah, blood bank-a thawkte chu an hmazâwn ṭheuha an hna leh mawhphurhnate hlen tura bei ṭâng ṭâng turin a fuih bawk.

AVBD General Secretary tarlan danin, kum tinin Krismas leh kumthar bâwr velah hun dang aiin thisen petu an tlem ṭhin a, thisen mamawhna erawh a sàn lai a ni thung. Chuvang chuan, AVBD, MSACS leh blood bank-te chuan kum 2010 vel aṭangin Krismas puala thisen pek an huaihawt ṭhin a ni.