Provisional employee tan kal dan thar leh mumal zawk duan a ni - Tawnluia

Provisional Em-ployees' Association of Mizoram, PHE depart-ment Branch chuan nimin khan Berawtlanga Multipurpose Cultural Complex-ah General Assembly vawi khatna an hmang a; khuallian Tawnluia, PHE depart-ment enkawltu deputy chief minister chuan, sorkara a nghet loa thawkte tan sorkarin kal dan thar leh mumal zawk a duan thu a sawi.

Tawnluia chuan, sorkar hnathawk a lian ber aṭanga tê ber thlengin an inkamki vek tih sawiin, "Pawimawh lo kan awm lo. Hmânlai deuh aṭanga kalphung mumal lutuk loa sorkar hnathawk, muster roll (MR) kan tih ṭhin kha tun sorkar hmalaknain provisional employee tia vuahin kal dan thar leh mumal zawk duan a ni," a ti.

Mizoram sorkarin provisional employee-te tan dan thar hrang hrang a siam thu sawiin Tawnluia chuan, "An hun ṭha zawng zawng sorkar tana hmangte'n sorkarah dah ngheh (regularisation) an nih theih nan dan thar hrang hrang, hna ruak a awma an ngheh theih nan dan thar - kum sarih hnu a hna ruak a awma seniority behchhana regular theihna dan te, regular-te hlawh aṭanga 50% hlawh pek te, casual leave chungchang te, sorkarin hna nghet a lak apianga 35% hauh te, kum khatah hlawh 4% increment leh thil dangte duan chhuah thar a ni," a ti a; ṭhahnemngai taka thawk zel turin provisional employee-te a chah.

PHE department-ah hian provisional employee 2,010 an awm mek a, sorkar department hrang hrang zingah provisional employee tamna ber department a ni.