Covid-19 vei enkawl lai mi 7 an awm

November 30, Nilaini khan Mizoramah Covid-19 vei mi pahnih hmuh chhuah a ni a, nimin khan hripui vei dam tawh mi pakhat chhuahtir a ni. Nimin tlai khan hripui vei enkawl lai mi pasarih an awm mek.

IDSP aṭanga thu dawn danin, November 30-a Covid-19 positive hmuh chhuah mi pahnihte chu Aizawl district-a mi ve ve an ni a, swab sample 99 endik niin, positivity rate 2.02% a ni.

Mizoramah swab sample 19,91,774 endik tawh niin, Covid-19 vei 2,38,954 hmuh chhuah a ni tawh a, a pumpuia positivity rate 12% a ni. Nimin tlai dar 3 thlengin mi 2,38,221 (99.69%) chhuahtir an ni tawh a, mi 726 (0.30%) thi tawhin, enkawl mek mi pasarih (0.01%) an awm.