Ex-MNA-ten Parva III-a ráltlânte ṭanpui

Ex-Mizo National Army chuan Bangladesh aṭanga sahimna zawnga Mizorama rawn lut Zo hnahthlakte chu December 1, Ningani khan Parva-III ah ṭanpuina Rs 70,000 leh thawmhnaw leh ei leh in tur ṭhahnem tak an hlân.

Bangladesh aṭanga Zo hnahthlak raltlante ṭanpuina turin Ex-MNA member mi 300 velin pawisa thawh khawmin, Rs 70,000 an tlin a; mutbu leh thawmhnaw an thawh khawm bakah, jumble sale-a thawmhnaw an lei khawmte leh buhfai ip 10, dailuah, chini leh mamawh dang an leite nen raltlante hnenah an hlan a ni.