Japan-ah Mizo nurse thawk dawn

India leh Japan sorkarin kum 2021-a thawhhona thuthlung an lo ziah tawh angin Labour Employment Skill Development Entrepreneurship (LESDE) department, Mission Foundation Movement (MFM) leh NSDC International hmalaknain Mizo nurse pakua chu Specified Skill Workers (SSW) scheme hnuaiah Japan rama nursing care hnathawk tura thlan an ni.

Inremna ang chuan kum nga chhung an thawk anga, an thiam dan a zirin an thawk chhunzawm zel thei.

LESDE department, MFM leh NSDC International-te chuan October 17, 2022 khan Verdant Multipurpose Hall, Laipuitlangah ANM, GNM leh Bsc. Nursing zir chhuakte tan sensitization programme an buatsaih a; SSW Scheme-a kal turte tan hamṭhatna awm thei tur leh hriattur pawimawhte an zirtir a ni.

A bulṭan nan Mizo nula pakua chu Japan ṭawng zir turin thlan an ni a; November 30, 2022 khan NDSC Office, New Delhi-ah orientation neihpui an ni. Delhi-ah Japan ṭawng level N3 thleng an zir anga a zir chhuakte chu India sorkar bultumin Japan ramah nursing care a thawk tura rawih nghal an ni ang.