Dan kalha ramsa rêp zuar vài rél

Serchhip District Wildlife Crime Control Sub-Unit chu an chairman Stephen Lalrinawma, SP hoin nimin khan a pisaah an ṭhukhawm a; sorkar leh tlawmngai pawlte nen a huhoa bazar leh hmun danga dan kalha ramsa rêp zuar an awm leh awm loh endik an rel.

Ṭhutkhawmah hian, Serchhip district-a dan loa nungcha pêl ṭhin te, license leh permit nei loa silai leh airgun kawlte man chhuak tura chak zawka hmalak dan tur, action plan an siam a ni.

Police leh EFCC department mite bakah, YMA-te nen joint patrolling neih a, bazar leh hmun danga dan kalha ramsa rêp zuar an awm leh awm loh dap a, dan bawhchhia man chhuah an nih theih nan endikna an rel a; a tam thei ang ber nungcha humhalh kawnga inzirtirna neih ni se, wildlife trafficking mante chu danin a sawi anga hrem an nih theih nan hmalak ṭhin ni se, an ti bawk.

Tun hnaiah Mizoram kaltlanga ram pawn aṭanga nungcha hmanga sumdawnna (exotic wildlife trafficking) hmuh tur awm ṭhin chu pawi an tih thu an tarlang a; hetiang thilah hian inhnamhnawih lo turin Serchhip district mipui an ngen.

Serchhip Mualvawm rama mi ṭhenkhatin thang tam tak kama vahrit, ramár leh nungcha dangte tana harsatna an thlen chu pawi an tih thu leh, a titute man an nih theih nan hmalak an rêl bawk.