Kolasib-ah hnam làm intihsiak khâr

Mizo hnam làm intihsiakna, 2nd Kolasib MLA Running Trophy chu nimin khan Kolasib Venglaia Parish Hall-ah zawh a ni a, a khârna inkhawm Kolasib bialtu K Lalrinliana, minister of state-in a hmanpui. Intihsiakah hian Bilkhawthlir Dawrveng-B chu pakhatna an ni.

K Lalrinliana chuan, Mizote hnam anga phuar khâwmtu pawimawh tak chu hnam ziaráng a nih thu sawiin, "Hnam humhalh nan heng ziaráng, inthuamna, hla leh làmte hi ṭhangthar zawk zirtir ṭhin a ṭul," a ti a; hnam fing apiangin mahni hnam ziaráng humhalh leh chawisan an ngaih pawimawh thu a sawi.

Intihsiakna hi Mizo Cultural Club sub-headquaters, Kolasib buatsaih a ni a, cultural club 14 telin, Cheraw (Buhzai) hmangin an inel ani. Bilkhawthlir Dawrveng B pakhatna an ni a, pahnihna chu Bilkhawthlir Dawrveng A niin, pathumna chu Kolasib New Diakkawn an ni.