PWD-in kawngpui an siam dawn

PWD-in nimin aṭang khan Dak Inpui aṭanga Venghlui kawng College Veng inkar leh Pi Pangi péng aṭanga MICE inkar kawng an siam ṭan a, December 5, 2022 thleng an siam dawn. Kawng siam chhungin chawhma dar 10 aṭanga tlai dar 3 thleng kawng khâr tur a ni dawn a, hnathawh tibuai theiin lirthei leh bungrua dah phal a ni lo.

December 6-20, 2022 chhungin Meidum leh Hortoki inkar kawngpui thawm ṭhat a ni dawn a, hei vang hian Thawhlehni, Nilaini leh Ningani-ah kawngpuiah lirthei tlan phal a nih loh thu Kolasib SP-in a tarlang. Harsatna nei tan phone number 9862384738, 7005020275 leh 8415847298-ahte biak theih a ni.