CM-ah harsatna kan nei lo ang - ZPM
Ṭangrual pawl, Zoram Peoples' Movement (ZPM) hruaitute chuan, sorkarna an siam a nih chuan, Chief Cinister turah harsatna an neih loh tur thu an sawi.
ZPM hruaitute hian nimin zing khan Lungleiah thuthar thehdarhtute an kâwm a; press mite'n 'ZPM hian CM hual in puang lâwk dawn em? Sorkar lo siam thei ta ula, hruaitu chan loh vanga lungawi lo, thawhhona tichhe duh hial in awm lo ang maw?' tia an zawhna chu, ZPM-a tel ZNP President, MPC Senior Vice President leh Zoram Exodus Movement (ZEM) hotute'n an buai loh tur thu leh harsatna an neih loh tur thuin an chháng a ni.
ZPM-a tel ZNP president Lalduhoma chuan, "Chief Minister nih leh nih loha buai hman kan ni lo. Kan hotute'n CM atana an ruat ang apiang lungawi takin kan pawm thei," a ti a; MPC senior vice president Vanlalhlana pawhin, "CM chu ZPM Val Upa Council-in an ruat dawn a, VUC ruat ang ang chu kan pawm tlang ang," a ti. ZEM hruaitu K Sapdanga pawhin, CM turah harsatna leh buaina an neih loh tur thu a sawi.