Law Minister-in dan zirna a hawng

Mizorama public prosecutor leh advocate-te tana dan hrang hrang zirna ni hnih awh tur buatsaih chu nimin khan Aijal Club-ah Law & Judicial minister Lalsawta'n a hawng.

Law Minister chuan, public prosecutor leh advocate-te thiamnaah mipui ralmuanna a in­nghat thûk hle tih a sawi a, "Mipui thlamuang taka an khawsak theih nan in pawimawh. Case leh dan hrang hrang tam zelah zir belh ngai a tam a, training hian hemi kawngah hian a pui ngei dawn che u a ni," a ti.

Harsatna an neihte chu inhrilh tawn ṭhin tura fuihin Lalsawta chuan, department dang - police, excise leh a dangte nena thawkho ṭhin an nih angin, thawhhona ṭha nei zel turin a chah.

Training-ah hian public prosecutor-te chu dan chi hrang hrang zirtir an ni dawn a, district hrang hrang aṭangin mi 35 vel an tel a ni.