Digital payment inhrilhfiah

Champhai DC office leh SBI, Champhai ṭangkawp chuan nimin khan IPR auditorium-ah Champhai mipui náwlpui hnena digital/cashless payment chungchang hrilhfiahna leh zirtirna hun an buatsaih.

Inkhawm kaihruaitu additional DC Lalsangpuii Hmar chuan, Prime Minister Award for Excellence in Public Administration inelna hnuaiah kumin bik atan hmalakna pali thlan tur a awm thu a sawi a, "Thlan tur pali zingah hian kan district atan ‘Promotion of Digital Payment’ thlan a ni. Ṭha taka kalpui a nih a, lawmman dawn a nih ngei theih nan hmalak a ni. Hlawhtlinna hmu tur chuan sorkar, bank-a thawktute leh mipui ṭanho a ngai," a ti.

Inkhawmah hian Champhai khawpuia bank paruk aiawhte an tel a, digital payment chungchng a lem nen an sawifiah a ni.