Inrinni-ah mi 246-in thisen an pe
December 3, Inrinni khan Mizoramah páwl hrang hrang leh mimalte'n thisen unit 246 an pe.
KṬP, Sateek Bial chuan Sateek Kohhran Hall-ah ZMC tan thisen unit 62 an pe a, mipa 52 leh hmeichhia 10 an ni a; petute chu Phulpui Branch aṭangin mi 28, Sateek Branch aṭangin mi 18, Maubuang Branch aṭangin pariat, Phulpui Field Veng Branch aṭangin paruk leh Lungsai Branch aṭangin mi pahnih an ni. KṬP, Sihphir Vengthar Bial pawhin Synod Hospital tan unit 24 an pe a, petute mipa 21 leh hmeichhia pathum an ni.
Civil Hospital, Aizawl tan SAY Central North Division-te'n Ramthar Corps hall-ah thisen unit 35 an pe a, petute mipa 31 leh hmeichhia pali an ni a; Civil Hospital Blood Bank-ah KṬP, Nursery Bial member mipa 28 leh hmeichhia palite'n unit 32, ṬKP, Bawngkawn unit member mipa 11 leh hmeichhia pakhatte'n unit 12 an pek bakah, mahnia thisen pe mi 13 an awm bawk.
PYD, Tipa Bialin Siaha District Hospital tan unit 27, ṬKP, Champhai Bethel Bialin District Hospital tan unit 15 leh ṬKP, Kolasib Bialin District Hospital tan unit 23 an pe a; Kolasib district Hospital-ah hian mimala pe mi pathum an awm bawk a ni.