Inter High Shool Quiz-ah St. Paul's HSS an thiam ber

MZP-in high school zirlaite tana quiz a buatsaih, Inter High School Quiz 2022 chu December 2, Zirtawpni zan khan Ignite Studio-ah khàr a ni a, St. Paul's Higher Secondary School pakhatna an ni.

MZP Inter H/S Quiz hi kum 2010-ah buatsaih ṭan a ni a, kuminah hian sikul 15 an tel. December 2 zan khan final neih niin, sikul pathum an intihsiak a ni. Pakhatna St. Paul's HSS-in Rs 30,000 leh lawmman dangte an dawng a; pahnihna St. Joseph HSS-in Rs 20,000 leh pathumna Kids Care School-in Rs 10,000 bakah, lawmman dangte an dawng a ni.

Final-a khuallian minister Dr R Lal-thangliana chuan, Mizote'n fakawmna leh ṭhatna tam tak an neih rualin, ṭan lakna tur tam tak a awm tih a sawi a, "Kan khawvel hi thawk rim leh taima, mi vantlang chung lamte tan lo chuan a harsa em em. Ti mai mai tan hlawhtlin a har a, tih tak takna nen, a náwlpui aia sang nih tum lo tan hlawhtlinna a awm lo," a ti a; huaisenna nen hma lam pan turin zirlaite a fuih.