KHAWTHLIR

Brahmaputra Board Hotute thukhawm
November 3, Inrinni khan Secretariat conference hall-ah Brahmaputra Board meeting vawi 78-na neih a ni a; chairman Rajiv Yadav-a'n kaihruaiin, sorkar laipui leh hmarchhak state hrang hranga sorkar aiawhte an tel. Ṭhutkhawmah hian Mizorama hmalakna tur - Springshed Management Project, Anti Erosion Project leh Survey & Investigation for Flood Protection and Mitigation Project, Khawthlangtuipui te pawm a ni.

UPC-in rorel
December 3, Inrinni khan Mizoram UPC hnuaia Boundary Commission leh Nomination Committee chu an kohhran headquarters office-ah an ṭhukhawm. Boundary Committee chuan kohhran thar din chungchang te, bial ṭhen leh ṭul dangte an ngaihtuah a; Nomination Committee chuan Mizoram UPC General Assembly leh Executive Committee agenda turte an thlirho thung.

Tla hlum
Vanlalpeka (57), Kawnpui Venglai chu December 3, Inrinni khan an kohhran committee room chunga tuizem pawp siamṭhat an tumna lamah a tla a, damdawi-in panpui a nih hnuah a hliam tuar loin a thi. Vanlalpeka hi Kawnpui Venglai Presbyterian Kohhranah upa a ni a, bial chairman ṭang lai a ni bawk.

Zirlai lawmpui
Pangbalkawn leh Meidum khuaa MSU branch-te chuan December 3, Inrinni khan Pangbalkawn Secondary School Hall leh Meidum Community Hall-ah an khuaa zirlai ti ṭhate lawmpuina an buatsaih a; minister of state K Lalrinliana'n hmanpuiin, zirlai 10 hnenah lawmpuina a hlan.