Hripui vei enkawl lai mi 6 an awm

Mizoramah December 2, Zirtawpni leh December 3, Inrinni khan Covid-19 vei mi pakhat ve ve hmuh chhuah a ni a, nimin tlai khan hripui vei mi paruk an awm mek.

December 2 khan Mizoramah swab sample 61 endik aṭangin Covid-19 positive mi pakhat, Lunglei district-ah hmuh a ni a, positivity rate 1.64% a ni. Inrinni khan samples 75 endik aṭangin Aizawl district-ah hripui vei mi pakhat hmuh chhuah niin, positivity rate 1.33% a ni a; hripui vei dam tawh mi pakhat chhuahtir a ni.

Mizoramah swab sample 19,91,968 endik tawh niin, Covid-19 vei 2,38,956 hmuh chhuah a ni tawh a, a pumpuia positivity rate 12% a ni.

Nimin khan tlai dar 3 thlengin mi 2,38,224 (99.69%) chhuahtir an ni tawh a, mi 726 (0.30%) thi tawhin, enkawl mek mi paruk (0.01%) an awm a ni.