Aizawl DC-in FIR a thehlut

Hmeichhe pakhat leh a fapain dan loin Myanmar aṭangin Mizoram an lut a, Aizawl an thleng nia hriat a nih avangin Aizawl District Task Force on Covid-19 chairman R Lalramnghaka, Aizawl DC chuan July 28, 2020 khan Kulikawn Police Station-ah FIR a thehlut.

Sorkar thuchhuah tarlan danin, mi pahnihte hi Myanmar-a an chhungte tlawhin an zin a, sorkar aṭanga phalna la hmasa loin July 28, Thawhlehni zing khan Aizawl an thleng. An lakah FIR thehluh a nih bakah hian, an nufa bakah, anmahni lo hmuaktu a pasalte nen quarantine centre-ah dah nghal an ni.