Krismas vuakveta hmalak dan tur sawiho

Mizoram Police hotute chuan nimin khan Aizawl SP pisa conference hall-ah Aizawla tlawmngai pawl hrang hrang leh kohhran intél khawm pawl hruaitute an ko khawm a; DIG (Northern Range) Joseph Lalchhuana’n hmanpuiin, kumin Krismas leh kum thar vuakveta hmalakho dan tur an sawipui.

Meeting-ah hian DIG Joseph Lalchhuana’n fuihna thu a sawi a; Krismas leh kum thar vuakvetah boruak ralmuang tak a awm theih nana hmalakho dan tur te, hâlpuah leh hâlmawi khap chungchangte sawiho a ni a, hmalak dan turah mumal takin thu an dah.

Meeting-ah hian Aizawl SP Neihchungnunga, Traffic SP C Lalthanmawia leh police officer dang eng emaw zat an tel a ni.

Meeting-a an thurelte
# Kohhran tinte’n mahni kohhran ṭheuhah hâlpuah hâl lo tur ngenna leh inhriattirna siam ni se.
# Sorkar leh private school tinte’n an naupangte Krismas chawlh hmain hâlpuah
ṭhat lohna leh hâl lo tur a zirtirna neih ni se.
# Mi tinte lirthei chetsualna laka kan him zawk theih nan khauh lehzualin lirthei leh a khalhtu check ni rawh se.
# Veng leh khaw tinah khawtlang hruaitute leh police-te’n theihtawp chhuaha thawk dunin, hâlpuah hâl leh zawrh hi do ni rawh se. Ralmuang taka he hun hlimawm hi hman a nih theih nan kawng engkimah inpawh tak a thawhho ni rawh se.
# Cr.PC 144 hmanga Aizawl DC-in hâlpuah leh a kaihhnawih zawrh leh hâl a khap hi bawhchhia man an nih chuan mi tu pawh dan anga hrem ngei ni rawh se.
# Hâlpuah hâl leh zawrh khap leh hâl lo tura inzirtir leh ngen hi YMA, MHIP leh NGO dangte’n hma la se, local council leh village council-te’n a tam thei ang ber aurinnain an huam chhung ṭheuhah puan ni bawk rawh se.