Hnam lam leh zaia intihsiakna Kala Utsav 2022 buatsaih a ni

Samagra Shiksha chuan nimin khan Chanmari YMA Hall, Aizawlah hnam ziaráng hmanga intihsiakna, Kala Utsav 2022 an buatsaih a, zirlaite hnam lam hmangin an intihsiak a, Samagra Shiksha state project director Lalhmachhuana'n a hmanpui.

Kumina Kala Utsav-ah hian district level-ah sorkar sikul 47, aided school pasarih leh mimal sikul pasarih an tel a, zirlai 403 an tel. State level intihsiakah district tin aiawh zirlai 103 an tel a, chu'ng zing aṭang chuan national level intihsiaka tel tur thlan a ni.

Kala Utsav-ah hian vocal music, classical leh traditional folk, instrumental music melodic leh purcussive, dance classical leh folk, drama (solo acting), visual art 2D leh 3D, indigenous toys & games-ahte intihsiak a ni a; item tinah mipa leh hmeichhia a hrangin an intihsiak a ni.

National level Kala Utsav-a tel turin mi 19 thlan an ni a, January 3-7, 2023 chhungin RIE, Bhubaneswar, Odisha-ah neih a ni ang. India ram pum huap Kala Utsav-ah hian Mizoramin lawmman a lo dawng tawh ṭhin a, kum 2021 pawh khan Visual Art 3D-ah pakhatna a dawng a ni.