Bawrhsap Click tlangzarh

Aizawl bawrhsap Dr Lalhriatzuali Ralte chuan nimin khan Aadhaar Seva Kendra, Bethlehem Vengthlangah sorkar laipui scheme leh service hrang hrang, common service center (CSC) aṭanga pek chhuah theihte mipuiin chiang zawka an hriat a, an hman ṭangkai theihna tur, ‘Bawrhsap Click’ a tlangzarh.

Bawrhsap Click hi CSC aṭanga service hrang hrang mipuiin an hman ṭangkai theihna tura beihpui thlakna a ni a; khua/veng leh zirna-in hrang hrangah hmalak tum a ni. A thawh khatna chu Aizawla veng leh zirna-in thlan bikah kalpui phawt a ni ang.