Khawpui fai inelnaah endik ṭan dawn

Mizoram Khawpui Fai Inelna endiktu tura ruat, panel of judges member-te chu khawpui hrang hrang endik turin nimin zing khan an chhuak a, UDPA director H Lianzela'n Vanapa Hall kawt aṭangin a vailiam.

Panel of judges-ah hian mi paruk an tel a; IPR department, Mizoram Pollution Control Board, Mizoram Journalists' Association, Central YMA, Science Teacher Association Mizoram, Higher Secondary School Lecturers Association of Mizoram aṭangin mi pakhat ṭheuh an ni. Mi parukte chu hlawm hnihah inṭhenin December 5-20, 2022 chhungin tehfung hrang hrang hmangin UDPA department-in khawpuia a pawm 28 an endik dawn a ni.

Khawpui fai endik turah hian, district khawpui bikah tun kar chhungin Champhai, Khawzawl, Saitual, Mamit leh Kolasib-te an endik dawn a; kar lehah Siaha, Lawngtlai, Lunglei, Hnahthial leh Serchhipte an endik leh ang.
Khawpui dang zingah Thenzawl, Tlabung, North Vanlaiphai, Biate, Khawhai, Farkawn, Ngopa leh Phullen khuate chu tun karah endik an ni ang a; kar lehah Sairang, Lengpui, West Phaileng, Kawrthah, Zawlnuam, Bairabi, Vairengte, Kawnpui leh Darlawn khuate endik leh tura ruahman a ni.
Khawpui endik turte hi UDPA department-in khawpuia a pawmte a ni a, census town a ni lo. December 19-20, 2022 chhungin Aizawl Municipal Corporation hnuaia ward hrang hrangte endik a ni bawk ang.

KHAWPUI FAI INELNA ṬHEN DAN
Category-I : Aizawl
AMC Ward I - XIX

Category-II : District Headquarters
1. Lunglei 2. Siaha
3. Champhai 4. Kolasib
5. Serchhip 6. Lawngtlai
7. Mamit 8. Saitual
9. Khawzawl 10. Hnahthial

Category-III : Urban Town
1. Vairengte 2. Tlabung
3. Kawnpui 4. Thenzawl
5. North Vanlaiphai 6. Darlawn
7. Zawlnuam 8. Biate
9. Khawhai 10. Sairang
11. Lengpui 12. Bairabi
13. West Phaileng 14. Kawrthah
15. Ngopa 16. Phullen
17. Farkawn