Vawk leh vawk sa lâk luh khap

AH&Vety department chuan thuchhuah siamin, January 2020 aṭangin Assam leh Arunachal Pradesh bakah, Myanmar ramah vawk pûl hri African Swine Fever (ASF) a lên thu a tarlang a, "Mizoramah hri a lo luh lohna atan vawk leh vawksa aṭanga siamte lak luh khap a ni," a ti.

AH&Vety department tarlan danin, ASF léng hi Ministry of Fisheries, Animal Husbandry and Dairying hnuaia Department of Animal Husban­dry and Dairying chuan a ngai pawimawh a, a darh zel tur venna atan National Action Plan siamin hma a la a ni. National Action Plan behchhanin Mizoramah ASF a luh loh nan Mizorama vawk leh vawksa aṭanga siam reng reng lak luh khapna thupek chhuah a ni.

Vawk vulhtute hnena ASF chungchanga zirtirna bei ngawrh leh zual turin field-a thawk Vety doctor leh VFA-te hriattir an ni a; vawk vulhna hmunhmate chu tithianghlim tur leh, ASF vei nia rin vawkte chu dah hrang turin a hriattir bawk.