Lunglei dist.-a bank-te CD ratio 62.82%

Lunglei District Consultative Committee/District Review Committee/District Security Committee chu nimin khan Lunglei additional DC Donny Lalruatsanga kaihhruaiin an ṭhukhawm a; July-September chhunga Lunglei district-a bank-te credit-deposit (CD) ratio chu 62.82% a ni tih an tarlang.

Ṭhutkhawmah hian Lunglei district-a bank hrang hrangte dinhmun thlir let a ni a; Lunglei district-ah bank branch 21 a awm a, July-September 2022 chhungin bank hrang hrangte CD ratio chu 62.82% a ni. State Bank of India-in CD ratio tura bituk (target) 60% an khûm a; CD ratio 60% pha lo bank-te chu ṭan la tura hriattir an ni.