Hripui vei enkawl lai mi 5 an awm

December 4, Pathianni khan Mizoramah swab sample 60 endik ni mah se, Covid-19 vei hmuh chhuah a ni lo a, nimin khan hripui vei dam tawh mi pakhat chhuahtir a ni. Hripui vei enkawl lai mi panga an awm mek a, Aizawl district-a mi pathum leh Lunglei district-a mi pahnih an ni.

Mizoramah swab sample 19,92,028 endik tawh niin, Covid-19 vei 2,38,956 hmuh chhuah a ni tawh a, a pumpuia positivity rate 12% a ni. Nimin tlai dar 3 thlengin mi 2,38,225 (99.69%) chhuahtir an ni tawh a, mi 726 (0.30%) thi tawhin, enkawl mek mi panga (0.01%) an awm.