KHAWTHLIR
Bible Sunday
Nimin Pathianni khan Bible Sunday a ni a, Presbyterian Kohhran leh Baptist Church of Mizoram-te'n an hmang. Bible Sunday puala Presbyterian Kohhranin thupui an hman chu chawhnu inkhawmah 'Pathian lehkha thu hi' tih leh zan inkhawmah 'Pathian thu chu la ula' tih a ni a; BCM chuan thupuiah 'Thu (Pathian thu) chu hril rawh' tih an hmang a ni.
Thisen pe
Mualkhang Branch KṬP chuan December 2, Inrinni khan Synod Hospital-ah thisen unit 14 an pe a, a petute mipa vek an ni.
Heroin man
Excise & Narcotics department (END)-a Anti-Narcotics Squad chuan December 1, 2017 zan khan heroin gram 213 an man. END Anti-Narcotics Squad hian zan dar 6 velah Ṭhuampui, Aizawlah heroin gram 62 leh a neitua puh H Lalmalsawma (38) s/o HTK Nanga leh ST Chin Thawmkhupa (35) s/o Nangkhanthanga, Ngur, Champhai district nia insawite an man. Zan dar 7 velah anni pahnih hnen aṭang tho hian heroin gram 151 an man leh a ni.
Career awareness
T Romana College chuan Dec 1, 2017 khan an college an RUSA programme hnuaiah career awareness campaign an buatsaih. Campaign-ah hian zirlai 500 vel an tel a, resource person chu Dr Malsawmliana, T Romana College-a assis-tant professor a ni.